काठमाडाै । अर्थमन्त्री विष्णुपसाद पौडेलले चालु आर्थिक वर्ष २०७९/०८० को बजेट समीक्षा प्रस्तुत गरिरहेका छन् । उपप्रधानमन्त्री तथा अर्थमन्त्री पौडेलअर्थमन्त्री विष्णुपसाद पौडेलले अहिले संसदमा चालु आर्थिक वर्ष २०७९/०८० को बजेट समीक्षा प्रस्तुत गरेका छन् । उनले समीक्षा मार्फत बजेटको आकार घटाएका छन् ।
चालु आर्थिक वर्षको बजेटको आकार १५ खर्ब ४९ अर्ब ९९ करोडमा झारेका छन् । उनले बजेटको आकार २ खर्ब ४४ अर्ब अर्थात् १४ प्रतिशतले घटाएका हुन् । तत्कालिन अर्थमन्त्री जनार्दन शर्माले राजस्वको महत्वाकांक्षी स्रोत राखेर ल्याएको बजेटको आकार अर्थमन्त्री पौडेलले कैंची चलाएका हुन । आइतबार प्रतिनिधिसभा बैठकलाई सम्बोधन गर्दै उनले चालु खर्च ११ खर्ब ८३ अर्ब २३ करोडबाट १० खर्ब २१ अर्ब ९२ करोडमा झारेको बताएका छन् ।
त्यस्तै पूँजीगततर्फ गत जेठ १५ मा ३ खर्ब ८० अर्ब ३८ करोड छुट्याइएकोमा ३ खर्ब १३ अर्ब ८५ करोड रुपैयँँमा झारिएको छ । वित्तीय व्यवस्थामा २ खर्ब ३० २१ करोड रुपैयाँ छुट्याइएकोमा २ खर्ब १४ करोड मात्र छुट्याइएको छ ।
अर्थमन्त्री पौडेलले राजस्व संकलनको लक्ष्य पनि घटाएका छन् । गत जेठ १५ मा १४ खर्ब ३ अर्ब १४ करोड रुपैयाँ संकलनको लक्ष्य राखिएको थियो । तर घटाएर १२ खर्ब ४४ अर्ब ७५ करोड संकलन हुने अनुमान गरिएको उपप्रधानमन्त्री पौडेलले जानकारी दिए ।
हेर्नुस् पूर्णपाठ :
Comment