सुनको मुल्यमा सामान्य गिरावट, तोलाको कति पुग्यो ?

काठमाडौं। नेपाली बजारमा सोमबार सुनको मुल्य सामान्य घटेको छ। नेपाल सुनचाँदी व्यवसायी महासंघका अनुसार आज सुनको मुल्य तोलामा २०० रुपैयाँले घटेको हो।

योसँगै छापावाल सुनको मुल्य प्रतितोला ९४ हजार ३०० रुपैयाँ र तेजाबी सुन ९३ हजार ८०० रुपैयाँ कायम भएको छ।

आइतबार छापावाल सुनको मुल्य प्रतितोला ९४ हजार ५०० रुपैयाँ र तेजाबी सुन ९४ हजार रुपैयाँमा कारोबार भएको थियो।

आज चाँदीको मुल्य पनि तोलामा १० रुपैयाँले घटेर १ हजार २६५ रुपैयाँ कायम भएको छ। अघिल्लो दिन चाँदी १ हजार २७५ रुपैयाँमा किनबेच भएको थियो।