सुनको मुल्यमा गिरावट, कतिमा भइरहेको छ कारोबार ?

काठमाडौं । बुधबार सुनको मुल्य ओरालो लागेको छ। नेपाल सुनचाँदी व्यवसायी महासंघका अनुसार सुनको मुल्य आज तोलामा २०० रुपैयाँले घटेको हो।

योसँगै छापावाल सुन प्रतितोला ९३ हजार २०० रुपैयाँ र तेजाबी सुन प्रतितोला ९२ हजार ७०० रुपैयाँ कायम भएको छ।

मंगलबार छापावाल सुनको मुल्य प्रतितोला ९३ हजार ४०० रुपैयाँ र तेजाबी सुन प्रतितोला ९२ हजार ९०० रुपैयाँमा कारोबार भएको थियो।

आज चाँदीको मुल्य तोलामा ५ रुपैयाँले घटेर १ हजार १७५ रुपैयाँ कायम भएको छ। अघिल्लो दिन तोलामा २० रुपैयाँले बढेर चाँदी १ हजार १८० रुपैयाँमा किनबेच भएको महासंघले जनाएको छ ।