सुनचाँदीको मूल्यमा सामान्य बृद्धि

काठमाडौं । मंगलबार नेपाली बजारमा छापावाला सुनको मूल्यमा सामान्य बृद्धि भएको छ । नेपाल सुनचाँदी व्यवसायी महासंघका अनुसार सोमबार छापावाल सुनको मुल्य प्रतितोला ९७ हजार ५ सय रुपैयाँ कायम भएकोमा मंगलबार १ सय रुपैयाँले बढेर ९७ हजार ६ सय रुपैयाँ कायम भएको छ ।

साथै आज तेजावी सुनको मूल्य प्रतितोला ९७ हजार १ सय रुपैयाँ कायम भएको छ ।

त्यसैगरी यता चाँदीको मुल्य पनि सामान्य बढेको छ । सोमबार चाँदीको मूल्य प्रतितोला १२ सय रुपैयाँ कायम भएकोमा मंगलबार ५ रुपैयाँले बढेर १२ सय ५ रुपैयाँ कायम भएको महासंघले जनाएको छ ।