सनराइज फस्ट म्युचुअल फण्डले इकाईधनीहरुलाई ७ प्रतिशत प्रतिफल दिने

काठमाडौं । सनराइज क्यापिटल लिमिटेडको व्यवस्थापनमा सञ्चालित सन्राइज फस्ट म्युचुअल फण्डले इकाईधनीहरुलाई ७ प्रतिशत प्रतिफल दिने निर्णय गरेको छ ।

यस योजनाले आर्थिक वर्ष २०७६/७७ को लागि उक्त प्रतिफल दिने निर्णय गरेको हो । यो निर्णय योजना व्यवस्थापक सन्राइज क्यापिटल लिमिटेडको भदौ २५ गतेको सञ्चालक समितिको बैठकले गरेको हो ।

प्रस्तावित प्रतिफलका लागि बुक क्लोज भने आगामी दिनमा गर्ने योजनाको भनाई छ । यस योजनाले ८ करोड ६० लाख इकाई विक्री गरेको हो ।