नेपालमा थप २ सय ९३ जनामा कोरोना भाइरस संक्रमण पुष्टि

काठमाडौं । नेपालमा थप २ सय ९३ जनामा कोरोना भाइरस संक्रमण पुष्टि भएको छ ।

देशका विभिन्‍न प्रयोगशालामा गरिएको परीक्षणबाट उनीहरुमा संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए ।

मन्त्रालयमा अ‌ायाेजित नियमित पत्रकार सम्मेलनमा उनले साे जानकारी दिए । योसँगै नेपालमा कोरोनाबाट संक्रमित हुनेको संख्या १५ हजार ७ सय ८४ पुगेको छ ।

तीमध्ये ६ हजार ५ सय ४७ जना निको भएका छन‍् । कोरोनाको संक्रमणबाट अहिलेसम्म ३५ जनाको निधन भएकाे छ ।