लुम्बिनी फाइनान्सले २२ प्रतिशत लाभांश दिने

काठमाडौं। लुम्बिनी फाइनान्स एण्ड लिजिङ् कम्पनीको संचालक समितिको बैठकबाट चुक्ता पुँजीको २१ दशमलव ६१ प्रतिशत बोनस सेयर तथा कर प्रयोजनका लागि करिब १ दशमलव १४ प्रतिशत नगद लाभांश गरि कुल २२ दशमलव ७५ प्रतिशत लाभांश दिने प्रस्ताव गरेको छ  । प्रस्ताबित बोनस शेयर पारित भए पश्चात बैकको चुक्ता पूँजी ४१ करोड २५ लाख रुपैयाँ पुग्नेछ ।

सो प्रस्ताव राष्ट्र बैंकबाट स्वीकृत भएमा र कम्पनीको साधारण सभाबाट पारित भएपछि शेयरधनीलाई प्रस्ताव बमोजिमको लाभांश वितरण गरिने छ ।

फाइनान्सले चालु आर्थिक बर्षमा ४० लाख रुपैयाँ खुद नाफा कमाउन सफल भएको छ । त्यसै गरि निक्षेपमा १ अर्ब ९२ करोड ९७ लाख रुपैयाँ र कर्जा तर्फ १ अर्ब ८० करोड ५९ लाख रुपैयाँ पुर्याएको छ । निस्क्रिय कर्जा २१ दशमलव ८३ प्रतिशत, जोखिम युक्त सम्पति २५ दशमलव ९१ प्रतिशत, प्रतिशेयर आम्दानी १ दशमलव १९ रुपैयाँ र मुल्य आम्दानीको अनुपात २ सय २० दशमलव ०६ गुणा रहेको छ ।