घट्यो सुनको मुल्य, कतिमा भइरहेको छ कारोबार ?

काठमाडौं । आइतबार सुनको मुल्य ओरालो लागेको छ। नेपाल सुनचाँदी व्यवसायी महासंघका अनुसार आज सुनको मुल्य तोलामा २०० रुपैयाँले ओरालो लागेको हो।

योसँगै छापावाल सुनको मुल्य प्रतितोला १ लाख ५ हजार रुपैयाँ र तेजाबी सुनको मुल्य प्रतितोला १ लाख ४ हजार ५०० रुपैयाँ कायम भएको छ। गत शुक्रबार सुनको मुल्य प्रतितोला १ लाख ५ हजार २०० रुपैयाँ र तेजाबी सुनको मुल्य प्रतितोला १ लाख ४ हजार ७०० रुपैयाँमा किनबेच भएको थियो।

आज चाँदीको मुल्य स्थिर रहँदै तोलाको १ हजार ३७५ रुपैयाँ कायम भएको छ। गत शुक्रबार तोलामा २० रुपैयाँले बढेर चाँदी १ हजार ३७५ रुपैयाँमा किनबेच भएको थियो।