सुनको मुल्य बढ्यो, तोलामा कति पुग्यो

काठमाडौं । नेपाली बजारमा मंगलबार सुनको मुल्य उकालो लागेको छ। नेपाल सुनचाँदी व्यवसायी महासंघका अनुसार आज सुनको मुल्य तोलामा ९०० रुपैयाँले बढेको हो।

योसँगै छापावाल सुनको मुल्य प्रतितोला १ लाख २ हजार ६०० रुपैयाँ र तेजाबी सुनको मुल्य प्रतितोला १ लाख २ हजार १०० रुपैयाँ कायम भएको छ। सोमबार सुनको मुल्य स्थिर रहेको थियो।

आज चाँदीको मुल्य तोलामा १० रुपैयाँले बढेर १ हजार ४१० रुपैयाँ कायम भएको छ।अघिल्लो दिन चाँदीको मुल्य पनि स्थिर रहेकाे थियो।