सुनको मुल्य तोलामा ६०० रुपैंयाले बृद्धि

काठमाडौं । साताको पहिलो कारोबार दिन आइतबार सुनको मुल्य उकालो लागेको छ। नेपाल सुनचाँदी व्यवसायी महासंघका अनुसार आज सुनको मुल्य तोलामा ६०० रुपैयाँले बढेको हो।

योसँगै छापावाल सुन प्रतितोला ९७ हजार ३०० रुपैयाँ र तेजाबी सुन प्रतितोला ९६ हजार ८०० रुपैयाँ कायम भएको छ।

गत शुक्रबार छापावाल सुनको मुल्य प्रतितोला ९६ हजार ७०० रुपैयाँ र तेजाबी सुनको मुल्य ९६ हजार २०० रुपैयाँमा कारोबार भएको थियो।

आज चाँदीको मुल्य पनि तोलामा ५ रुपैयाँले बढेर १ हजार ३०० रुपैयाँ कायम भएको छ। गत शुक्रबार तोलामा १० रुपैयाँले बढेर चाँदी १ हजार २९५ रुपैयाँमा किनबेच भएको थियो।