सुनको मुल्य घट्यो, चाँदीको भने स्थिर

काठमाडौं । सोमबार सुनको मुल्य तोलामा ३०० रुपैयाँले घटेको छ । नेपाल सुनचाँदी व्यवसायी महासंघका अनुसार सोमबार छापावाल सुन प्रतितोला ९३ हजार ६०० रुपैयाँ कायम भएको हो ।

यसैगरी, तेजावी सुनको मूल्य तोलाको ९३ हजार १०० रुपैयाँ कायम भएको छ । अघिल्लो दिन आइतबार छापावाल सुन तोलाको ९३ हजार ९०० रुपैयाँमा कारोबार भएको थियो ।

यता, चाँदीको मुल्य सोमबार पनि स्थिर रहेको छ । सोमबार चाँदीको मुल्य प्रतितोला ११ सय ५० रुपैयाँ कायम रहेको महासंघले जनाएको छ ।