सुनको मुल्य तोलामा ६०० रुपैंयाले बढ्यो

काठमाडौं । नेपाली बजारमा आइबार सुनको मुल्य उकालो लागेको छ । नेपाल सुनचाँदी व्यवसायी महासंघका अनुसार आज छापावाल सुनको मुल्य तोलामा ६०० रुपैयाँले बढेर प्रतितोला ९३ हजार ६०० रुपैयाँ कायम भएको हो ।

त्यसैगरी तेजाबी सुन प्रतितोला ९३ हजार १०० रुपैयाँ कायम भएको छ। गत साता सुनको मुल्य प्रतितोला ९३ हजार रुपैयाँमा कारोबार भएको थियो ।

यता आज चाँदीको मुल्य पनि तोलामा ५ रुपैयाँले बढेर १११० रुपैयाँ कायम भएको महासंघले जनाएको छ।