सुनचाँदीको मुल्य बढ्यो, कति पुग्यो तोलाको ?

काठमाडौं । नेपाली बजारमा केहि दिनदेखि घटेको सुनको मुल्य बुधबार भने उकालो लागेको छ । नेपाल सुनचाँदी व्यवसायी महासंघका अनुसार आज छापावाल सुनको मुल्य तोलामा ३०० रुपैयाँले बढेर प्रतितोला ९५ हजार ३०० रुपैयाँ कायम भएको हो ।

त्यसैगरी तेजाबी सुन प्रतितोला ९४ हजार ८०० रुपैयाँ कायम भएको छ। अघिल्लो दिन सुनको मुल्य प्रतितोला ९५ हजार रुपैयाँमा कारोबार भएको थियो ।

यता आज चाँदीको मुल्य पनि तोलामा ५ रुपैयाँले बढेर ११६५ रुपैयाँ कायम भएको महासंघले जनाएको छ।