सुनको मुल्य स्थिर, चाँदीको मुल्य भने घट्यो

काठमाडौं । आइतबार नेपाली बजारमा सुनको मूल्य स्थिर रहेको छ । गत साता छापावाला सुनको मूल्य प्रतितोला ९५ हजार ५०० सय रुपैयाँ कायम भएकोमा आइतबार पनि सोहि मुल्य कायम भएर ९५ हजार ५०० सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।

त्यस्तै, आज तेजाबी सुनको मुल्य ९५ हजार रुपैयाँ कायम भएको छ । यता आइतबार चाँदीको मुल्य भने तोलामा १५ रुपैयाँले घटेर ११ सय ७० रुपैयाँ कायम भएको छ । गत साता चाँदीको मूल्य प्रतितोला ११ सय ८५ रुपैयाँ कायम भएको महासंघले जनाएको छ ।