थप १८६ जनामा कोरोना भाइरसको संक्रमण पुष्टि, काठमाडाैमा संक्रमितको संख्या कति ?

काठमाडाै । सोमबार थप १८६ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १८६ जना संक्रमित थपिएसँगै नेपालमा कोरोना संक्रमितको संख्या १७ हजार ८ सय ४४ पुगेको छ ।

मन्त्रालयका अनुसार हालसम्म निको हुनेको संख्या ११ हजार ८६८ पुगेको छ । सोमबार मात्रै १७३ जना डिस्चार्ज भएका छन् । हालसम्म ४० जनाको कोरोनाका कारण मृत्यु भएको छ ।

सोमबार काठमाडौँ उपत्यकाका थप ३ जनामा कोरोना भाइरसको संक्रमण पुष्टि भएको छ । संक्रमित हुनेमा काठमाडौँका २ र ललितपुरका १ जना रहेका छन् ।

उपत्यकाका विभिन्न अस्पतालहरुमा स्वाब परीक्षण गर्दा उनीहरुमा कोरोना पोजेटिभ देखिएको स्वास्थ्य मन्त्रालयले जनाएको छ ।