स्टक ब्रोकर्स एशोसिएसनले सहिद परिवारका सदस्यलाई रोजगारी दिने « Devoted for Economic Devlopment, आर्थिक विकासको लागि समर्पित
३ मंसिर २०८३, बिहिबारThursday, November 19, 2026

अर्थतन्त्र

स्टक ब्रोकर्स एशोसिएसनले सहिद परिवारका सदस्यलाई रोजगारी दिने

यो समाचार सुन्नुहोस्अडियो तयार हुँदैछ, केही मिनेटपछि फेरि हेर्नुहोस्

काठमाडौं। स्टक ब्रोकर्स एशोसिएसन अफ नेपालले जेनजी आन्दोलनका क्रममा ज्यान गुमाएका सहिदका परिवारका सदस्यलाई रोजगारी दिने घोषणा गरेको छ।

शुक्रबार काठमाडौंमा आयोजित कार्यक्रममा एशोसिएसनका अध्यक्ष सागर ढकालले आन्दोलनमा मृत्यु भएका प्रत्येक सहिद परिवारबाट एक–एक जनालाई एशोसिएसनअन्तर्गतका सदस्य संस्थामा रोजगारी उपलब्ध गराइने जानकारी दिए।

एशोसिएसनले कार्तिक ९ गते ३२ औं स्थापना दिवस मनाउने तयारी गरिरहेको छ। सो अवसरलाई लक्ष्य गर्दै उक्त घोषणा गरिएको हो।

हाल एशोसिएसनअन्तर्गत ९० वटा धितोपत्र दलाल व्यवसायी र २ वटा धितोपत्र व्यापारी कम्पनीहरू नेपाल धितोपत्र बोर्डबाट अनुमति प्राप्त छन्। ती कम्पनीहरूबाट ७१ लाखभन्दा बढी लगानीकर्तालाई धितोपत्र खरिद–बिक्री तथा डिपोजिटरी सेवा प्रदान गरिएको एशोसिएसनले जनाएको छ।

प्रकाशित : २ कार्तिक २०८२, आइतबार १२:३८ 19 October, 2025 12:38 pm

प्रतिक्रिया

तपाईंको प्रतिक्रिया लेख्नुहोस्

तपाईंको इमेल प्रकाशित हुने छैन। प्रतिक्रिया स्वीकृत भएपछि देखिनेछ।