सुनको मुल्य घट्यो, कतिमा भईरहेको छ कारोबार ?

काठमाडौं । नेपाली बजारमा सोमबार सुनको मुल्य ओरालो लागेको छ। नेपाल सुनचाँदी व्यवसायी महासंघका अनुसार आज सुनको मुल्य तोलामा ८०० रुपैयाँले घटेको हो।

योसँगै छापावाल सुनको मुल्य प्रतितोला ९५ हजार २०० रुपैयाँ र तेजाबी सृुनको मुल्य प्रतितोला ९४ हजार ७०० रुपैयाँ कायम भएको छ।

आइतबार छापावाल सुनको मुल्य प्रतितोला ९६ हजार रुपैयाँ र तेजाबी गोल्ड ९५ हजार ५०० रुपैयाँमा किनबेच भएको थियो।

आज चाँदीको मुल्य पनि तोलामा २५ रुपैयाँले घटेर १ हजार २३० रुपैयाँ कायम भएको छ। हिजो तोलामा ८५ रुपैयाँले बढेर चाँदी १ हजार २५५ रुपैयाँमा कारोबार भएको थियो।