आठ थान काठको गोलियासहित चार जना पक्राउ

काठमाडौं । प्रहरीले २३ क्युफिट आठ थान काठको गोलियासहित चार जनालाई पक्राउ गरेको छ । इलाका प्रहरी कार्यालय बेलचौताराबाट प्रहरी निरिक्षक भोजराज पाण्डेको नेतृत्वमा खटिएको प्रहरी टोलीले शुक्लागण्डकी नगरपालिका ७ धारापानीबाट काठको गोलियासहित चार जनालाई पक्राउ गरेको हो ।

पक्राउ पर्नेमा काठको गोलिया लोड गर्दै गरिएको ट्याक्टरका चालक विमल वली, रुख काट्ने कार्यमा संलग्न प्रेमबहादुर विक, काठ लोड गर्ने कार्यका संलग्न पदमबहादुर सुनार र सोमबहादुर नेपाली छन् ।

प्रहरीले नियन्त्रणमा लिएका चारै जनासहित ग १ त ५७८६ नम्बरको ट्याक्टरसमेत आवश्यक अनुसन्धानका लागि इलाका वन कार्यालय बेलचौतारामा बुझाइएको जनाएको छ ।