नेपाल इन्भेस्टमेन्ट बैङ्कले ल्यायो पहिलो पटक नयाँ मोको डिजिटल वालेट, यस्ता छन बिषेशता « Devoted for Economic Devlopment, आर्थिक विकासको लागि समर्पित
३ मंसिर २०८३, बिहिबारThursday, November 19, 2026

अर्थबजार स्टोरी

नेपाल इन्भेस्टमेन्ट बैङ्कले ल्यायो पहिलो पटक नयाँ मोको डिजिटल वालेट, यस्ता छन बिषेशता

यो समाचार सुन्नुहोस्अडियो तयार हुँदैछ, केही मिनेटपछि फेरि हेर्नुहोस्

काठमाडौँ । नेपाल इन्भेस्टमेन्ट बैङ्कले पहिलो पटक नयाँ मोको डिजिटल वालेटको सुरुवात गरेको छ । फोकस वान पेमेन्ट सोलुसन र बैङ्कबिच डिजिटल कारोबारको सम्झौता भएको छ ।

नेपाल राष्ट्र बैङ्कद्वारा लाइसेन्स प्राप्त एक भुक्तानी सेवा प्रदायक संस्था फोकस वान पेमेन्ट सोलुसनले आफ्नो मोबाइल डिजिटल वालेट–‘मोको’ ले आजदेखि इन्भेस्टमेन्ट बैङ्कसँग सहकार्य गरेको छ । डिजिटल भुक्तानीमा विश्वव्यापी प्रख्यात भिसासँग साझेदारी गरेको ‘मोको’ डिजिटल वालेट अनलाइन भुक्तानीमा आएको छ ।

कसरी प्रयोग गर्ने ? नेपाल इन्भेस्टमेन्ट बैङ्कको कार्ड विभागका कार्यरत कर्मचारी रिना चन्दका अनुसार मोको अहिले बैंककले प्रयोगमा ल्याएको थैली भन्दा केही भिन्न रहेको छ । मोको एप मोबाइलको प्ले स्टोरमा गएर इन्स्टल गर्न सकिनेछ ।

अरू वालेटमा ब्यालेन्स लोड गरिरहुनुपर्नेमा मोकोमा त्यस्तो झन्झट पर्दैन । मोको ग्लोवल रूपमा फैलिएको भिजा कार्ड एड गर्न मिल्ने बनाइएको छ । नेपालमा हाल ८५ लाख कार्डमध्ये ८२ लाख त भिजा नै रहेको छ ।

सर्वसाधारण प्रयोगकर्ताहरू सजिलै आफ्नो मोबाइल फोनमा भिसा कार्ड विवरण लिङ्क गर्न सकिनेछ । त्यसपछि क्युआर कोड स्क्यान गरेर लेनदेनको लागी भुक्तानी सुरु गर्न सकिनेछ । यो एप सुरक्षित अरू भन्दा सुरक्षित रहेको नेपाल इन्भेस्टमेन्ट बैङ्कको सीईओ ज्योति प्रकाश पाण्डेले बताए ।

यसमा क्यु आर भुक्तानीको लागी सुरक्षित र स्थिर सिस्टम रहेको छ । प्रयोगकर्ताहरुले एउटा मोबाइल एपको प्रयोगले नै क्यु आर कोडको माध्यमबाट विभिन्न मर्चेन्ट आउटलेटहरुमा भुक्तानी गर्न सकिन्छ । नेपाल इन्भेस्टमेन्ट बैङ्कको भिसा कार्ड प्रयोगकर्ताहरुले अब ‘मोको’ एपमा आफ्नो डेबिट वा क्रेडिट कार्डहरू लिङ्क गरी खरिद तथा विभिन्न सेवाहरू उपयोग गर्न सकिन्छ ।

जसबाट टेलिकम टप अप, इन्टरनेट र बिजुली बिल भुक्तानीको लागि प्रयोग गर्न सकिनेछ । यो सेवा लिन डिजिटल वालेट मा ग्राहकले पटक–पटक ब्यालेन्स लोड गरी रहन पर्दैन ।

हरेक समय ‘मोको’ प्रयोगकर्ताहरुले लेनदेनको समयमा अपलोड गरिएको भिसा कार्ड बिच कुनै पनि कार्ड छनौट गर्न सक्छन् । मोको प्रयोगकर्ताहरुले किनमेलको समयमा एपमा अपलोड गरिएको कुनै पनि भिसा कार्ड भुक्तानीका लागि छनौट गर्न सक्छन् । मोको धेरै बैङ्क कार्डहरूको लागि एकल डिजिटल र एकल वालेटको रूपमा कार्य गर्दछ ।

प्रकाशित : १४ आश्विन २०७८, बिहिबार १२:५७ 30 September, 2021 12:57 pm

प्रतिक्रिया

तपाईंको प्रतिक्रिया लेख्नुहोस्

तपाईंको इमेल प्रकाशित हुने छैन। प्रतिक्रिया स्वीकृत भएपछि देखिनेछ।