प्रतिभा बहुउद्देश्यीय सहकारीले मनायो २१औ स्थापना दिवस

काठमाडाै । ललितपुरको थसिखेलमा रहेको प्रतिभा बहुउद्देश्यीय सहकारी संस्था लिमिटेडले आफ्नो २१औ स्थापना दिवस मनाएको छ । २० औं बर्ष पुरा गरी २१औं बर्षमा प्रवेश गरेको यो संस्थाले आफ्नो २१औ स्थापना दिवस संस्थागत सामाजिक उत्तरदायित्व अन्तर्गत रक्तदानको कार्यक्रम आयोजना गरी मनाएको हो । सो रक्तदान कार्यक्रममा उल्लेख्य मात्रामा सदस्य, पदाधिकारी, कर्मचारी र स्थानीयले गरि ४५ जनाले रक्तदान गरेका थिए । कोरोना भाइरसको डर र लकडाउनका कारण कार्यक्रममा धेरैलाई सहभागी गराउन असमर्थ रहेको संस्थाका अध्यक्ष माधव तिमल्सिनाले जानकारी दिए ।

११ हजार सदस्यहरु रहेको उक्त संस्थामा ६५ जना कर्मचारीहरु कार्यरत रहेका छन् । संस्थाले आफ्ना सदस्यहरुलाई ललितपुरको थसिखेलमा रहेको आफ्नै सुविधा सम्पन्न भवनबाट छिटो, छरितो र अत्याधुनिक सेवा प्रदान गर्दै आएको छ ।