काठमाडौं । मोरङ्ग जिल्ला विराटनगर महानगरपालिका वडा नं. ०७ स्थित कोशी अस्पतालमा प्रभु बैंक लि.ले आफ्नो एक्स्टेन्सन काउण्टर सञ्चालनमा ल्याएको छ ।
कोशी अस्पताल परिसरमा सोमबार कोशी अस्पतालका प्रमुख सुपरीटेन्डेन्ट डा.गुणराज लोहनीले एक समारोहका वीच प्रभु बैंक लि. कोशी अस्पताल एक्स्टेन्सन काउण्टरको समुद्घाटन गरेका हुन् ।
कोशी अस्पतालमा सञ्चालित प्रभु बैंक लि.को एक्स्टेन्सन काउण्टरबाट सार्वजनिक विदाको दिन बाहेक बिहान ८ बजेदेखि साँझ ७ बजेसम्म उपचार तथा स्वास्थ्य सम्बन्धी कार्यको सिलसिलामा कोशी अस्पतालमामा आउने सम्पूर्ण सेवाग्राहीहरूलाई बैंकिङ्ग सेवा उपलब्ध हुनेछ ।
उपचारको सिलसिलामा कोशी अस्पतालमा आउने सेवाग्राहीहरुले बुझाउनु पर्ने जुनसुकै रकम विना झण्झट सरल एवं सहज रुपमा प्रभु बैंकको एक्स्टेन्सन काउण्टरमा जम्मा गर्नपाउनेछन् ।
Comment