काठमाडौं । एनआईसी एसिया बैङ्कको सेयरधनीलाई १ अर्ब ८५ करोड ९८ लाख रुपैयाँ लाभांश वितरण गर्ने भएको छ ।
बैङ्कले गत आर्थिक वर्षमा गरेको नाफाबाट सेयरधनीलाई ११ प्रतिशत अर्थात ९७ करोड ६४ लाख रुपैयाँ नगद लाभांश र १० प्रतिशत बोनस सेयर अर्थात ८८ करोड ३४ लाख रुपैयाँ बराबरको बोनस सेयर दिने भएको हो ।
लाभांश पारित गर्न बैङ्कले असोज १० गते २२ औं साधारणसभा बोलाएको छ । बोनस सेयर वितरणपछि बैङ्कको चुत्तापुँजी ९ अर्ब ७१ करोड रुपैयाँ पुग्नेछ ।
अहिले ८ अर्ब ८३ करोड ४२ लाख रुपैयाँ चुत्तापुँजी छ । साधारणसभाले पुँजीवृद्धिको प्रस्तावलाई स्वीकृत गर्नेछ । गत आर्थिक वर्षमा एनआईसी एसियाले ३ अर्ब ५ करोड रुपैयाँ खुद नाफा कमाएको थियो ।
Comment