बारमा प्रजातान्त्रिक समुहकाे अग्रता

काठमाडौं । नेपाल बार एसोसिएसनको सुरुवाती मत गणनामा पछि पार्दै आएको प्रजातन्त्रवादी समूहले सोमबार अपरान्हदेखि अग्रता सुरु गरेको छ ।
मत गणनाको पछिल्लो परिणाम अनुसार प्रगतिशील समूहबाट अध्यक्षका प्रत्यासी श्रेष्ठले ६ सय ६९ मत ल्याउँदा प्रजातन्त्रवादी समूहका सुनिलकुमार पोखरेलले ७ सय ३४ मतका साथ अग्रता लिएका छन् ।

महासचिवमा पनि प्रजातन्त्रवादी समूहले अग्रता हासिल गरेको छ, जस अनुसार सो समूहका लीलामणि पौडेलले ७ सय २१ मत पाउँदा प्रगतिशील समूहका सुरेन्द्रबहादुर थापाले ६ सय ५० मत पाएका छन् । हालसम्म १ हजार ४ सय १० मतको मात्र गणना भएकाले कसले बाजी मार्छ, यसै भन्न सकिने स्थिति छैन । १० हजार ३ सय १३ मतदाता रहेको नेपाल बारको शनिबार  भएको निर्वाचनमा ८ हजार ३ सय २९ मत खसेको थियो ।