देउवाको गुनासो- शेखरले मलाई टेरेनन्

काठमाडौं । नेपाली कांग्रेसका सभापति शेरबहादुर देउवाले पार्टीका नेता शेखर कोइरालालाई आफूले जथाभावी नबोल्न सम्झाएको भए पनि उनले नटेरेको बताउनुभएको छ ।

विराटनगर विमानस्थलमा पत्रकारहरुसँग कुराकानी गर्दै उहांले भन्नुभयो– शेखरजीलाई मैले दुईपल्ट भेटेरै सम्झाएको थिएँ तर, उहाँ रोकिनु भएन त्यही भएर मैले जवाफ दिएको हुँ ।

नेतृत्वमा कोइराला आउनै नपाउने, चुनावमा उठ्नै नपाउने कुरा आफूले नगरेको पनि देउवाले बताउनुभयो । नेता कोइरालालाई अनुशासनको कारबाही हुन्छ ? भन्ने सञ्चारकर्मीको जिज्ञासामा देउवाले कांग्रेसमा कसैले बोल्दैमा कारबाही नहुने स्पष्ट पार्नुभयो । उहांले पार्टीको चौधौं महाधिवेशन समयमै हुने दावी गर्नुभयो । आफू कार्यकाल लम्ब्याउने पक्षमा नरहेको समेत सभापति देउवाले बताउनुभयो ।