पिएको तलब खान नपाएपछि सांसदको बबन्डर

काठमाडौं । संघीय संसद सचिवालयले गत पुसदेखि सांसदका पिएको तलब उनीहरुकै खातामा उपलब्ध गराउने निर्णय गर्यो । पिएको तलब आफ्नै खातामा बुझ्दै आएका कतिपय सांसद यसबाट आक्रोशित भए । उनीहरुले संसद सचिवालयमा गएर गुनासो समेत गरे ।

‘स्वकिय सचिवको पारिश्रमिक काटिएपछि सांसद र केहि समितिका सभापति समेत आएर झोक्किनुभो । यसअघि मासिक जाने रकममा कटौती भएपछि उहाँहरु आवेशमा आएको पाइयो । सभामुख, राष्ट्रियसभा अध्यक्ष र समिति सभापतिको खातामा त यसअघि जाने गरेको रकममा धेरै नै कटौती भयो । सम्झाई–बुझाई गर्नै गाह्रो भयो,’ सचिवालयका एक कर्मचारीले भने । आजको नयाँपत्रिका दैनिकमा समाचार छ ।

‘हामीले पुसदेखि लागु हुनेगरी स्वकिय सचिव तथा पदाधिकारीको सचिवालयका कर्मचारीको तलब निजहरुकै खातामा राख्ने निर्णय गर्यौँ । अझै पनि सबै सांसदले आफ्ना स्वकीयको विवरण उपलब्ध गराइसक्नुभएको छैन,’ ती कर्मचारीले भने ।