गोरखाको बारपाक गाउँमा निःशुल्क इन्टरनेट सुविधा « Devoted for Economic Devlopment, आर्थिक विकासको लागि समर्पित
३ मंसिर २०८३, बिहिबारThursday, November 19, 2026

प्रविधी

गोरखाको बारपाक गाउँमा निःशुल्क इन्टरनेट सुविधा

यो समाचार सुन्नुहोस्अडियो तयार हुँदैछ, केही मिनेटपछि फेरि हेर्नुहोस्

१२ वैशाखको विनाशकारी भूकम्पको केन्द्रविन्दु गोरखाको बारपाक गाउँमा निःशुल्क इन्टरनेट सुविधा सुचारु गरिएको छ ।

लुम्बिनी नेट प्रालि, वर्डलिङ्क र रेडियो गोरखाको सहकार्यमा निःशुल्क इन्टरनेट सुचारु गरिएको हो । भूकम्पपीडित समक्ष सूचना पु¥याउनका लागि इन्टरनेट सुचारु गरिएको हो ।

‘बारपाकमा बसेर देशविदेश हेर्न र देशविदेशमा रहेकाहरुले बारपाकीसँग सञ्चार सम्पर्कमा रहन इन्टरनेट सुविधा सुरु गरियो’, लुम्बिनी नेट प्रालिका खेमराज अधिकारीले भन्नुभयो, ‘टेलिफोन र इन्टरनेटबिहीन हुँदा सञ्चार सम्पर्क टुटेको थियो ।’ एनसेलको टेलिफोन सुचारु रहेको र नेपाल टेलिकमको टावर सुचारु हुने क्रममा रहेकाले बारपाकमा अब सञ्चारसम्पर्कका लागि सहज बन्दै गएको छ ।

सौर्य ऊर्जा मार्फत् इन्टरनेट सञ्चालन गरिएको प्रालिले जनाएको छ । रेडियो गोरखाको टावरमार्फत् बारपाकमा रहेको डिभाइसमा कनेक्ट गरेर इन्टरनेट सुचारु गरिएको हो । सदरमुकामदेखि १८ कोश टाढा रहेको पर्यटकीय गाउँ बारपाक विनाशकारी भूकम्पले ध्वस्त बनाएको छ ।

प्रकाशित : ६ जेष्ठ २०७२, बुधबार १६:४३ 20 May, 2015 4:43 pm

प्रतिक्रिया

तपाईंको प्रतिक्रिया लेख्नुहोस्

तपाईंको इमेल प्रकाशित हुने छैन। प्रतिक्रिया स्वीकृत भएपछि देखिनेछ।