एकीकृत फ्रेण्डसिप साकोसको एघारौं वार्षिक साधारणसभा बस्ने सूचना « Devoted for Economic Devlopment, आर्थिक विकासको लागि समर्पित
३ मंसिर २०८३, बिहिबारThursday, November 19, 2026

मुख्य समाचार

एकीकृत फ्रेण्डसिप साकोसको एघारौं वार्षिक साधारणसभा बस्ने सूचना

यो समाचार सुन्नुहोस्अडियो तयार हुँदैछ, केही मिनेटपछि फेरि हेर्नुहोस्

दोलखा — दोलखाको जिरीमा मुख्य कार्यालय रहेको एकीकृत फ्रेण्डसिप बचत तथा ऋण सहकारी संस्था लिमिटेडको एघारौं वार्षिक साधारणसभा आगामी अशोज २३ गतेबाट सुरु हुने भएको छ। सहकारीले सदस्यहरूको सहजता र सहभागिता सुनिश्चित गर्न क्षेत्रगत रूपमा साधारणसभा आयोजना गर्ने जनाएको छ।

संस्थाका अनुसार साधारणसभा राष्ट्रिय सहकारी नियमन प्राधिकरणको निर्देशनअनुसार सञ्चालन गरिनेछ। सहकारी प्राधिकरणका नियामकीय मापदण्ड र सहकारी विभागले जारी गरेका निर्देशनहरूको पूर्ण पालना गर्दै सभा सम्पन्न गरिने संस्थाले जानकारी दिएको छ।

यसैबीच, सरकारी कोषबाट सेवा सुविधा प्राप्त गरिरहेका लेखा सुपरीवेक्षण समितिका संयोजक एक जना र सदस्य एक जनाले पदबाट राजीनामा दिएपछि ती पदहरू रिक्त भएका छन्। ती पदहरू पूर्तिका लागि आगामी साधारणसभामार्फत निर्वाचन प्रक्रिया सञ्चालन गरिने सहकारीले जनाएको छ।

साधारणसभापछि प्रमाणिकरण सभा कार्तिक १ गते हुने संस्थाले जनाएको छ।

प्रकाशित : २१ आश्विन २०८२, मंगलबार १२:५७ 7 October, 2025 12:57 pm

प्रतिक्रिया

तपाईंको प्रतिक्रिया लेख्नुहोस्

तपाईंको इमेल प्रकाशित हुने छैन। प्रतिक्रिया स्वीकृत भएपछि देखिनेछ।