बालकुमारी सहकारीको कारोबार २.३१ अर्ब नाघ्यो, बचत र लगानीमा उल्लेखनीय वृद्धि

भक्तपुर । मध्यपुर ठिमीस्थित बालकुमारी बचत तथा ऋण सहकारी संस्थाको वित्तीय कारोबार असार मसान्तसम्म २ अर्ब ३१ करोड २० लाख ४६ हजार रुपैयाँ पुगेको छ।

संस्थाले जेठ मसान्तमा २ अर्ब २१ करोड ३८ लाख २३ हजार रुपैयाँ कारोबार गरेको भए पनि असार मसान्तमा करिब १० करोड रुपैयाँले वृद्धि गरेको हो। बचत संकलन पनि बढेर १ अर्ब ९५ करोड ८५ लाख ४५ हजार रुपैयाँ पुगेको छ, जुन जेठमा १ अर्ब ८४ करोड ५९ लाख ९ हजार रुपैयाँ थियो।

संस्थामा हाल ७ करोड ९६ लाख ४९ हजार रुपैयाँको जेगेडा कोष र ७० लाख ४९ हजार रुपैयाँको अन्य कोष रहेको छ। लगानीतर्फ पनि वृद्धि देखिएको छ, जेठमा १ अर्ब ३३ करोड १० लाख २२ हजार रुपैयाँ रहेको लगानी असार मसान्तसम्म १ अर्ब ४१ करोड २६ लाख ५२ हजार रुपैयाँ पुगेको छ।

हाल संस्थामा ५,९५४ जना सदस्य रहेका छन् भने सेयर पूँजी १३ करोड ७६ लाख ७३ हजार ८०० रुपैयाँ रहेको छ।