सुनको मुल्य तोलामा ७०० रुपैयाँले बढ्याे

काठमाडौं । आइतबार सुनको मुल्य तोलामा ७०० रुपैयाँले बढेको छ । नेपाल सुनचाँदी व्यवसायी महासंघका अनुसार आज छापावाल सुन प्रतितोला ७०० रुपैयाँले बढेर १ लाख ३ हजार २०० रुपैयाँ कायम भएको हो ।

यसैगरी, तेजावी सुनको मूल्य तोलाको १ लाख २ हजार ७०० रुपैयाँ निर्धारण भएको छ । शुक्रबार छापावाल सुन तोलाको १ लाख २ हजार ५०० रुपैयाँमा कारोबार भएको थियो । यसैगरी, तेजावी सुनको मुल्य तोलाको १ लाख २ हजार रुपैयाँ निर्धारण भएको थियो ।

यता, चाँदीको मुल्य पनि प्रतितोला १५ रुपैयाँले बढेर १२ सय ९० रुपैयाँ कायम भएको छ । शुक्रबार चाँदीको मुल्य प्रतितोला १२ सय ७५ रुपैयाँमा कारोबार भएको थियो ।