सुनको मुल्य घट्यो, कतिमा भइरहेको छ कारोबार ?

काठमाडौं। नेपाली बजारमा मंगलबार सुनको मुल्य ओरालो लागेको छ। नेपाल सुनचाँदी व्यवसायी महासंघका अनुसार आज सुनको मुल्य तोलामा २०० रुपैयाँले घटेको हो।

योसँगै छापावाल सुनको मुल्य प्रतितोला १ लाख ३ हजार ८०० रुपैयाँ र तेजाबी सुनको मुल्य प्रतितोला १ लाख ३ हजार ३०० रुपैयाँ कायम भएको छ।

सोमबार सुनको मुल्य स्थिर रहेको थियो। चाँदीको भाउ भने आज पनि स्थिर रहँदै तोलाको १ हजार २९५ रुपैयाँ कायम भएको छ। हिजो पनि स्थिर रहँदै चाँदी १ हजार २९५ रुपैयाँमै कारोबार भएको थियो।