गुरु न्यौपानेलाई बोर्डले गर्यो कारबाही, १० बर्षसम्म सूचीकृत कम्पनीको सञ्चालक र महाप्रबन्धक हुन नपाउने

काठमाडौं । नेपाल धितोपत्र बोर्डले रिडी पावर कम्पनीका अध्यक्ष गुरु प्रसाद न्यौपानेलाई कारबाही गरेको छ । बोर्डले सूचिकृत संगठित संस्थाहरुको संस्थागत सुशासन सम्बन्धी निर्देशिका विपरित धितोपत्र कारोबार गरेको भन्दै उनलाई कारबाही गरेको हो ।

बोर्डले धितोपत्र सम्बन्धी ऐन २०६३ को दफा १०१ (७) अनुसार ७५ हजार रुपैयाँ नगद जरिवाना गरेको छ । साथै, धितोपत्र सम्बन्धी ऐन २०६३ दफा १०८ अनुसार कुनै सञ्चालक, महाप्रबन्धक वा सो सरहको कुनै पद धारणा गरेको व्यक्तिले दफा १०१ बमोजिम कुनै पद धारणा गरेको व्यक्तिले दफा १०१ बमोजिम कुनै सजाय पाएमा त्यस्तो सजाय पाएको १० वर्षको अवधि पुरा नभएसम्म कुनै पनि पब्लिक लिमिटेड कम्पनी वा संस्थाको सञ्चालक, महाप्रबन्धक वा सो सरहको पदमा बहाल हुन योग्य हुने छैन् ।

सोहीअनुरुप बोर्डले उनलाई ७५ हजार जरिवाना र १० बर्षसम्म कुनै पनि  पब्लिक कम्पनीको सञ्चालक, महाप्रबन्धक वा सो सरहको पदमा बहाल हुन नपाउने गरी कारबाही गरेको छ ।