पाँच महिनामा जीवन बीमा कम्पनीले गरे ५९ अर्बको बीमाशुल्क आर्जन, मंसिरमा मात्रै साढे १३ अर्ब रुपैंया संकलन

काठमाडौं । जीवन बीमा कम्पनीहरुले चालु आर्थिक बर्षको पाँच महिनासम्ममा ५९ अर्ब ५१ करोड ६२ लाख रुपैयाँ १६ हजार रुपैंया कुल शुल्क आर्जन गर्न सफल भएका छन् । हाल संचालनमा रहेका जीवन बीमा कम्पनीहरुले मंसिर महिनासम्ममा कुृल १ करोड ३९ लाख ८६ हजार ५०५ वटा बीमालेख विक्री गरी उक्त रकम बराबरको बीमाशुल्क आर्जन गर्न सफल भएका हुन् ।

प्राधिकरणका अनुसार १९ कम्पनीहरुले मंसिर महिनामा मात्रै १० लाख एक हजार १९९ वटा बीमालेखबाट १३ अर्ब ५० करोड ४६ लाख ७९ हजार रुपैयाँ बीमा शुल्क आर्जन गरेका छन् ।

त्यस्तै, कम्पनीहरुले पाँच महिनासम्ममा ४८ अर्ब २४ करोड ५३ लाख रुपैयाँ बराबरको रकम नविकरण बीमा शुल्कबाट मात्र कमाएका छन् भने नयाँ व्यसाय मार्फत ११ अर्ब २७ करोड ८ लाख रुपैयाँ बराबरको रकम आर्जन गरेका छन् ।

समितिको तथ्याङक अनुसार यस अवधिसम्ममा सबैभन्दा धेरै नेपाल लाइफले कुल बीमा शुल्क आर्जन गरेको छ । यस कम्पनीले यस अवधिसम्ममा १५ अर्ब ६२ करोड ८८ लाख रुपैयाँ कुल बीमा शुलक आर्जन गरेको छ । दोस्रोमा एलआइसी नेपाल रहेको छ । कम्पनीले यस अवधिमा ७ अर्ब २ करोड ५१ लाख रुपैयाँ कुल बीमा शुलक आर्जन गरेको छ ।

तेस्रोमा नेशनल लाइफ रहेको छ । कम्पनीले यस अवधिसम्ममा ६ अर्ब ५३ करोड ८४ लाख रुपैयाँ कुल बीमा शुलक आर्जन गरेको छ । राष्ट्रिय बीमा संस्थाले ५ अर्ब ५६ करोड, यूनियन लाइफले ३ अर्ब ३ करोड, एशियन लाइफले २ अर्ब ८० करोड, सिटिजन लाइफले २ अर्ब २० करोड, मेट लाइफले २ अर्ब ९ करोड र सुर्य लाइफले २ अर्ब २ करोड रुपैयाँ आर्जन गरेका छन् ।
यी बाहेक सबैको बीमा शुल्क २ अर्ब तल रहेको छ भने सबै भन्दा कम बीमा शुल्क संकलन गर्नेमा प्रभु लाइफ र महालक्ष्मी लाइफ रहेका छन् । जसमा प्रभु लाइफले ८२ करोड ५३ लाख रुपैंया र महालक्ष्मी लाइफले ६२ करोड ३ लाख रुपैंया बीमाशुल्क बापत जम्मा गरेका छन् ।