सुनको मुल्यमा उच्च गिरावट, कति पुग्यो तोलाको ?

काठमाडौं । मंगलबार सुनको मुल्य ओरालो लागेको छ। नेपाल सुनचाँदी व्यवसायी महासंघका अनुसार आज सुनको मुल्य तोलामा १ हजार २०० रुपैयाँले घटेको हो।

योसँगै छापावाल सुन प्रतितोला ९४ हजार रुपैयाँ र तेजाबी सुनको मुल्य प्रतितोला ९३ हजार ५०० रुपैयाँ कायम भएको छ।

अघिल्लो दिन छापावाल सुनको मुल्य प्रतितोला ९५ हजार २०० रुपैयाँ र तेजाबी सुन ९४ हजार ७०० रुपैयाँमा कारोबार भएको थियो।

मंगलबार चाँदीको मुल्य तोलामा १५ रुपैयाँले घटेर १ हजार २१५ रुपैयाँ कायम भएको छ। सोमबार चाँदी प्रतितोला १ हजार २३० रुपैयाँमा किनबेच भएको थियो।