सिजेएन राष्ट्रिय पत्रकारिता पुरस्कार पोखरेल र संस्थापक सम्मान दाहाललाई

काठमाडाैं । नेपाल सहकारी पत्रकार समाज (सिजेएन)ले १२ औं स्थापना दिवसको अवसर पारेर सिजेएन राष्ट्रिय पत्रकारिता पुरस्कार र संस्थापक सम्मान समेत प्रदान गरेको छ ।

समाजले यसवर्ष कान्तिपुर टेलिभिजनमा कार्यरत पत्रकार सुदिल पोखरेललाई सिजेएन राष्ट्रिय पत्रकारिता पुरस्कार प्रदान गरेको हो । उनलाई प्रमुख अतिथि सहकारी विभागका रजिष्ट्रार रुद्र प्रसाद पण्डितले नगद २० हजार रुपैयाँ सहित सम्मानपत्र प्रदान गरे ।
यसैगरी सिजेएनले निवर्तमान अध्यक्ष खिलानाथ दाहाललाई यस वर्ष संस्थापक सम्मान प्रदान गरेको छ । दाहाल सिजेएन स्थापना गर्दा सहसचिवको भूमिकामा थिए ।