कुमारी बैङ्कको एक्काइसौँ वार्षिक साधारण सभा सम्पन्न, चुक्ता पुँजी १४ अर्ब ७१ करोड पुग्यो « Devoted for Economic Devlopment, आर्थिक विकासको लागि समर्पित
४ मंसिर २०८३, शुक्रबारFriday, November 20, 2026

Feature News

कुमारी बैङ्कको एक्काइसौँ वार्षिक साधारण सभा सम्पन्न, चुक्ता पुँजी १४ अर्ब ७१ करोड पुग्यो

यो समाचार सुन्नुहोस्अडियो तयार हुँदैछ, केही मिनेटपछि फेरि हेर्नुहोस्

काठमाडौँ । कुमारी बैङ्कको २१ औँ वार्षिक साधारण सभा मङ्गलवार सम्पन्न भएको छ । बैङ्कका अध्यक्ष अमिर प्रताप राणाको अध्यक्षतामा नक्सालस्थित कार्यालय, काठमाडौँमा सम्पन्न भएको छ ।

उक्त साधारण सभाले लेखा परीक्षकको प्रतिवेदन सहितको आ.व. २०७७/०७८ को आर्थिक विवरण, वासलात, नाफा नोक्सान हिसाब र सोही अवधिको नगद प्रवाह विवरण, नाफा नोक्सान बाँडफाँट हिसाब, पुँजीमा भएको परिवर्तन लगायत वार्षिक प्रतिवेदन माथि छलफल गरी पारित गरेको छ ।

साधारण सभाले शेयर धनीहरुलाई आ.व.२०७७/०७८ को लागि ६% बोनस शेयर तथा बोनस शेयर बापत लाग्ने कर प्रयोजनको लागि समेत २.६७% बराबरको नगद लाभांश वितरण गर्ने प्रस्ताव पारित गरेको छ । सो बोनस शेयर जारी पश्चात् बैङ्कको चुक्ता पुँजी १४ अर्ब ७१ करोड ११ लाख ८३ हजार ३२६ हुनेछ ।

आर्थिक वर्ष २०७७÷७८ को मसान्तसम्म बैङ्कले कुल निक्षेप १५७ अर्ब १७ करोड परिचालन तथा कुल कर्जा रकम १४३ अर्ब ७७ करोड प्रवाह गरी सञ्चालन मुनाफा ३ अर्ब १९ करोड तथा १ अर्ब ९७ करोड खुद मुनाफा आर्जन गर्न सफल भएको छ । बैङ्कले काठमाडौँ उपत्यका भित्र र बाहिर गरी १९६ शाखा सञ्जाल, १७५ एटिएम, १४ एक्सटेन्सन काउन्टरका साथै ३३ वटा शाखारहित बैङ्किङ इकाईमार्फत देशभरि आफ्ना सेवा प्रदान गर्दै आएको छ ।

प्रकाशित : १६ कार्तिक २०७८, मंगलबार २०:१५ 2 November, 2021 8:15 pm

प्रतिक्रिया

तपाईंको प्रतिक्रिया लेख्नुहोस्

तपाईंको इमेल प्रकाशित हुने छैन। प्रतिक्रिया स्वीकृत भएपछि देखिनेछ।