काठमाडौं । सांग्रिला डेभलपमेन्ट बैंकले गत आर्थिक वर्षको मुनाफाबाट सेयरधनीलाई वितरण गर्ने लाभांश घोषणा गरेको छ ।
बैंकको मंगलबार बसेको सञ्चालक समितिको बैठकले बैंकको हाल कायम चुक्ता पूँजीको १० प्रतिशत बोनस सेयर र कर तिर्न शून्य दशमलव ५२ प्रतिशत नगद लाभांश वितरण गर्ने निर्णय गरेको हो ।
अघिल्लो वर्ष यसले ५ प्रतिशत बोनस सेयर र कर तिर्न शून्य दशमलव २६ प्रतिशत गरी कुल पाँच दशमलव २६ प्रतिशत नगद लाभांश वितरण गरेको थियो ।
नेपाल राष्ट्र बैंकबाट स्वीकृत भई आगामी वार्षिक साधारणसभाबाट अनुमोदन भएपछि सो लाभांश सेयरधनीलाई वितरण हुनेछ ।
बैंकको हाल चुक्ता पूँजी दुई अर्ब ७३ करोड ६९ लाख ७२ हजार ४२० रुपैयाँ छ। बैंकको १० प्रतिशत बोनस सेयर वितरण गरेपछि चुक्ता पूँजी तीन अर्ब एक करोड ६ लाख ६९ हजार ६६२ रुपैयाँ पुग्नेछ।
Comment