हिमाल दोलखा हाइड्रोपावरको आईपिओ बिहिबार बाँडफांड हुने « Devoted for Economic Devlopment, आर्थिक विकासको लागि समर्पित
३ मंसिर २०८३, बिहिबारThursday, November 19, 2026

मुख्य समाचार

हिमाल दोलखा हाइड्रोपावरको आईपिओ बिहिबार बाँडफांड हुने

यो समाचार सुन्नुहोस्अडियो तयार हुँदैछ, केही मिनेटपछि फेरि हेर्नुहोस्

हिमाल दोलखा हाइड्रोपावर कम्पनीले निष्काशन गरेको आईपिओ बिहिबार बाँडफांड हुने भएको छ । बिक्रि प्रबन्धक ग्लोबल आईएमई क्यापिटलका अनुसार बिहिबार बेलुका ४ बजे क्यापिटल कै कार्यालयमा शेयर बाँडफांड हुने छ ।

कम्पनीले असार २५ देखि ७६ लाख ७२ हजार २ सय १० कित्ता आईपिओ निष्काशन गरेको थियो । यसमध्ये १ लाख ५३ हजार ४ सय ४४ कित्ता कर्मचारीको लागि २५ हजार कित्ता सामुहिक लगानी कोषको लागि छुट्याइएको थियो। बाँकि रहेको ७४ लाख ९३ हजार ७ सय ६६ कित्ता सर्वसाधारणले आवेदन दिएका हुन ।

कम्पनीको आईपिओ ४१.३७ प्रतिशत मात्र बिकेको छ । आईपिओमा आवेदन दिने अन्तिम दिनसम्ममा कम्पनीको आईपिओमा ७२ हजार ३ सय ४५ आवेदकबाट ३१ लाख ५ सय ६० कित्ताको लागि आवेदन परेको बिक्रि प्रबन्धक ग्लोबल आईएमई क्यापिटलले जनाएको छ । सर्वसाधारणबाट पर्याप्त आवेदन नपरेपछि कम्पनीले संस्थापकले आवेदन दिन पाउने गरि पुन आईपिओ बिक्रिमा ल्याएको थियो। कम्पनीले कम्पनीका संस्थापक सेयरधनी र सञ्चालक तथा उनीहरुको एकाघर परिवार तथा कार्यकारी प्रमुख, लेखापरिक्षक, कम्पनी सचिव र कम्पनीको ब्यवस्थापक तथा लेखा सम्बन्धी काम गर्ने ब्यक्तिले आवेदन दिन सक्ने गरि पुन विक्रिमा ल्याएको थियो ।

नबिकेको सेयर शेयर प्रत्याभूतकर्ताहरुले खरिद गर्ने प्रचलन रहेपनि हिमाल दोलखाले भने कम्पनीको प्रमोटर तथा व्यवस्थापकहरुका लागि पुन सेयर बिक्रि गरेको थियो । नेपाल धितोपत्र बोर्डको धितोपत्र दर्ता तथा निष्कासन नियमावली २०७३ को दफा ४१ मा पनि नविकेको शेयर संस्थापक लगानीकर्ताको एकाघार परिवार र व्यवस्थापकहरुले किन्न पाउने ब्यवस्था रहेको छ। तर संस्थापकलाई तोकेको ३ दिनको अवधिमा १ जनाको पनि आवेदन नपरेको बिक्रि प्रबन्धक ग्लोबल आईएमई क्यापिटलले जनाएको छ ।

प्रकाशित : ४ भदौ २०७६, बुधबार १५:४६ 21 August, 2019 3:46 pm

प्रतिक्रिया

तपाईंको प्रतिक्रिया लेख्नुहोस्

तपाईंको इमेल प्रकाशित हुने छैन। प्रतिक्रिया स्वीकृत भएपछि देखिनेछ।