वैदेशिक रोजगारीमा रहेका नेपालीका लागि एभरेष्ट कलरको आईपीओ खुला, आजदेखि आवेदन सुरु « Devoted for Economic Devlopment, आर्थिक विकासको लागि समर्पित
३ मंसिर २०८३, बिहिबारThursday, November 19, 2026

मुख्य समाचार

वैदेशिक रोजगारीमा रहेका नेपालीका लागि एभरेष्ट कलरको आईपीओ खुला, आजदेखि आवेदन सुरु

यो समाचार सुन्नुहोस्अडियो तयार हुँदैछ, केही मिनेटपछि फेरि हेर्नुहोस्

एभरेष्ट कलर लिमिटेड ले वैदेशिक रोजगारीमा रहेका नेपाली नागरिकका लागि प्राथमिक सेयर निष्काशन खुला गरेको छ। कम्पनीले आज वैशाख १६ गतेदेखि उक्त समूहका लगानीकर्ताका लागि सेयर बिक्री प्रक्रिया सुरु गरेको हो।

कम्पनीले वैदेशिक रोजगारीमा रहेका नेपालीहरूका लागि ७९ लाख रुपैयाँ बराबरको ७९ हजार कित्ता सेयर निष्काशन गरेको छ। यो कम्पनीले सार्वजनिक निष्काशन गर्ने कुल सेयरमध्ये छुट्याइएको हिस्सा हो।

यस आईपीओमा वैशाख २२ गतेसम्म आवेदन दिन सकिनेछ। इच्छुक लगानीकर्ताले न्यूनतम १० कित्ता देखि अधिकतम ७ हजार कित्तासम्म आवेदन दिन पाउने व्यवस्था गरिएको छ।

सेयर निष्काशन तथा बिक्री व्यवस्थापनको जिम्मेवारी मुक्तिनाथ क्यापिटल लिमिटेड लाई दिइएको छ। योग्य लगानीकर्ताले सि–आस्बा प्रणालीमार्फत आवेदन प्रक्रिया पूरा गर्न सक्नेछन्।

नेपाल धितोपत्र बोर्ड ले कम्पनीलाई वैशाख २ गते आईपीओ निष्काशनको अनुमति प्रदान गरेको थियो। बोर्डबाट प्राप्त स्वीकृतिअनुसार कम्पनीले कुल ७ करोड ९० लाख रुपैयाँ बराबरको ७ लाख ९० हजार कित्ता सेयर सार्वजनिक निष्काशन गर्न पाउनेछ।

प्रकाशित : १६ बैशाख २०८३, बुधबार १५:३५ 29 April, 2026 3:35 pm

प्रतिक्रिया

तपाईंको प्रतिक्रिया लेख्नुहोस्

तपाईंको इमेल प्रकाशित हुने छैन। प्रतिक्रिया स्वीकृत भएपछि देखिनेछ।