टेलि डिजिटल सर्भिसेसद्वारा अधिकृत गुगल वर्कस्पेस योजनामा स्थानान्तरण सम्बन्धी सहयोग घोषणा

काठमाडौं । नेपालमा गुगल वर्कस्पेसको अधिकृत प्रत्यक्ष रिसेलर रहेको टेलि डिजिटल सर्भिसेस प्रा. लि.ले अनधिकृत सदस्यतासम्बन्धी खाता निलम्बनका घटना बढ्दै गएको उल्लेख गर्दै संस्थाहरूलाई सतर्कता अपनाउन आग्रह गरेको छ। कम्पनीका अनुसार अधिकृत संरचनाबाहिरबाट खरिद गरिएका सदस्यताका कारण कतिपय व्यवसायहरूले अचानक सेवा अवरोध, इमेल तथा साझा ड्राइभमा पहुँच प्रतिबन्ध जस्ता समस्या भोगिरहेका छन्।

नेपालका लागि आधिकारिक सूचीबद्ध दर प्रतिप्रयोगकर्ता प्रतिमहिना अमेरिकी डलर ७ रहेको जनाउँदै सोभन्दा कम दरमा उपलब्ध सदस्यताप्रति सचेत रहन कम्पनीले आग्रह गरेको छ। यस्तो मूल्य निर्धारण स्वीकृत लाइसेन्स तथा वितरण संरचनाभन्दा बाहिर हुन सक्ने संकेत भएको कम्पनीको भनाइ छ। केही अवस्थामा शिक्षा प्रयोजनका लागि मात्र मान्य योजनाहरू गैर–शैक्षिक संस्थालाई उपलब्ध गराइएको पाइएको समेत उल्लेख गरिएको छ, जसले नीतिगत कारबाहीको जोखिम बढाउन सक्छ।

कम्पनीका व्यवसाय तथा मार्केटिङ प्रमुख निखिल खेराडीले धेरै व्यवसायले पर्याप्त जानकारी अभावमा सदस्यता लिएको हुन सक्ने तर परिणाम गम्भीर हुन सक्ने बताए। उनले हालको सदस्यता तुरुन्त परीक्षण गरी वैध योजनामा स्थानान्तरण गर्न आग्रह गरे।

प्रमुख कार्यकारी अधिकृत नवांकुर सूदले कम्पनी केवल लाइसेन्स बिक्रीमा सीमित नरही नेपाली व्यवसायहरूको डिजिटल सुरक्षामा प्रतिबद्ध रहेको उल्लेख गरे। हालसम्म वित्त, शिक्षा, स्वास्थ्य, खुद्रा तथा व्यावसायिक सेवा क्षेत्रका ६० भन्दा बढी ग्राहकलाई सेवा प्रदान गरिसकेको कम्पनीले जनाएको छ।

टेलि डिजिटल सर्भिसेसले निःशुल्क नियमअनुरूपता परामर्श, खाता निलम्बन मूल्यांकन, सहज स्थानान्तरण सहयोग तथा निरन्तर प्राविधिक सहयोग उपलब्ध गराउने जनाएको छ। हाल आधिकारिक दरभन्दा कम मूल्यमा सदस्यता प्रयोग गरिरहेका वा आफ्नो सदस्यताको स्रोतबारे अनिश्चित संस्थाहरूलाई तत्काल सत्यापन गर्न सिफारिस गरिएको छ।