सुनको मुल्य बढ्यो, चाँदीको कतिमा भइरहेको छ कारोबार ?

काठमाडौं । नेपाली बजारमा आइतबार सुन र चाँदी दुवैको मूल्य बढेको छ । आज सुन प्रतितोला ५ हजार ६०० रुपैयाँले बढेको छ भने चाँदी तोलामा २४५ रुपैयाँले बढेको हो ।

नेपाल सुनचाँदी व्यवसायी संघका अनुसार आज छापावाल सुन प्रतितोला ३ लाख २० हजार ५०० रुपैयाँमा कारोबार भइरहेको छ । गत शुक्रबारको बजारमा सुन प्रतीतोला ३ लाख १४ हजार ९०० रुपैयाँमा कारोबार भएको थियो ।

त्यस्तै, आज चाँदीको मूल्य पनि बढेको छ। आजको बजारमा चाँदी प्रतितोला २४५ रुपैयाँ बढेर प्रतितोला ५ हजार ९८५ रुपैयाँले कारोबार भइरहेको छ । गत शुक्रबारको बजार चाँदी तोलाको ५ हजार ७४० रुपैयाँमा कारोबार भएको थियो ।