तोकिएको चुक्तापुँजी नपुर्याउने बैंकलाई राष्ट्र बैंकले कडाई गर्ने

काठमाडौं,१४ जेठ ।तोकिएको चुक्तापुँजी नपुर्याउने बैंक तथा वित्तीय संस्थाले लाभांश तथा बोनस सेयर घोषणा गर्न नपाउने भएको छन् । मौद्रिक नीतिको तेस्रो त्रैमासिक समिक्षा गर्दै राष्ट्र बैंकले चुक्तापुँजी नपुर्याउने बैंक तथा वित्तीय संस्थाहरुलाई लाभांश तथा बोनस सेयर घोषणा गर्न रोक लगाउने जानकारी दिएको हो । त्यस्तै, तोकिएको चुक्तापुँजी नपुर्याउने बैंकलाई नयाँ शाखा खोल्न पनि रोक लगाइने भएको छ भने निक्षेप परिचालनमा सीमा कायम गरिने भएको छ ।

चुक्तापुँजी वृद्धिका लागि नेपाल राष्ट्र बैंकले दिएको समयसीमा सकिन डेढ महिना मात्रै बाँकी छ । हालसम्म थोरै मात्र बैंकले तोकेको चुक्तापुँजी पुर्याएका छन् । यसैबीच चुक्तापुँजी पुर्याउन नसक्ने बैंकलाई के गरिन्छ भन्ने प्रश्न उब्जिरहेको अवस्थामा राष्ट्र बैंकले यस्तो जानकारी दिएको हो । यसअघि, राष्ट्र बैंकले चुक्तापुँजी नपुर्याउने बैंकलाई कारबाही गरिने भन्दै आएको थियो । यद्यपि, के कारबाही हुन्छ भनेर खुलाएको थिएन।

चुचुक्तापुँजी नपुर्याउने बैंकहरुको लागि कडाई गर्ने घोषणा गरेको राष्ट्र बैंकले बैंकहरुको चुक्तापुँजीमा सुधार आइरहेको कुरालाई भने स्वीकारेको छ । राष्ट्र बैंकका अनुसार, २०७३ चैत्र मसान्तमा बैंक तथा वित्तीय संस्थाहरुको चुक्ता पुँजी दुई खर्ब चार अर्ब ११ करोड रुपैयाँ पुगेको छ । पुँजीवृद्धिको नीति घोषणा हुँदा बैंकहरुको चुक्तापुँजी एक अर्ब ४० अर्ब ८० करोड रुपैयाँ रहेको थियो ।