सेयर बजारमा दोहोरो अंकको बृद्धि, दुई कम्पनीको सेयर मूल्यमा सकारात्मक सर्किट

काठमाडौं । बुधबार सेयर बजार दोहोरो अंकले बढेर उकालो लागेको छ। आज नेप्से परिसूचक २५.३१ अंकले बढेर २७०१.४८ को विन्दुमा पुगेर रोकिएको हो। आज सेन्सेटिभ इण्डेक्स १.५९ अंक बढेको छ भने फ्लोट इण्डेक्स ०.९६ अंक र सेन्सेटिभ फ्लोट इण्डेक्स ०.६६ अंक बढेको छ।

आज १६६ कम्पनीको सेयर मूल्य बढेको छ भने ७८ कम्पनीको सेयर मूल्य घटेको छ । आज ३१८ कम्पनीको एक करोड चार लाख ४२ हजार ६८३ कित्ता सेयर किनबेच हुँदा पाँच अर्ब ४४ करोड माथिको सेयर कारोबार भएको छ ।

याे दिन सबैभन्दा धेरै सीएचडीसीको सेयर कारोबार भएको छ । आज यस कम्पनीको ३६ करोड ५५ लाख रुपैयाँको सेयर कारोबार भएको छ । त्यसैगरी, हिमालयन रिइन्स्योरेन्सको ३५ करोड ६ लाख रुपैयाँ र ङादी ग्रुप पावरको २७ करोड ३२ लाख रुपैयाँको सेयर कारोबार भएको छ ।

आज विशाल बजार कम्पनी र सेन्ट्रल फाइनान्स कम्पनीको सेयरमुल्य सकारात्मक सर्किट लेबलमा कारोबार भएको छ । साथै, बोटलर्स नेपाल बालाजूको सेयरमुल्यमा भने नकारात्मक सर्किट लागेको छ ।

बजार बढ्दा नेप्से उपसमूहमा रहेका ११ वटा समूहमा हरियाली छाएको छ भने २ वटामा रातो पातिएको छ। यो दिन व्यापार समूह सर्वाधिक ९.४९ प्रतिशतले बढ्दा उत्पादन तथा प्रशोधन समूहमा सर्वाधिक १.४३ प्रतिशतको गिरावट देखिएको छ।