दोहोरो अंकले घट्यो सेयर बजार, पाँच अर्ब ७९ करोडकाे कारोबार

काठमाडौं । आज सेयर बजार घटेर बन्द भएको छ । आज बजार १५.५७ अंकले घटेर २६७७.५५ को विन्दुमा पुगेर रोकिएको छ।

आज ३२० कम्पनीको एक करोड छ लाख ७० हजार ६४९ कित्ता सेयर किनबेच हुँदा पाँच अर्ब ७९ करोड माथिको सेयर कारोबार भएको छ । आज सबैभन्दा धेरै हिमालयन रिइन्स्योरेन्सको सेयर कारोबार भएको छ। आज यस कम्पनीको ६४ करोड २५ लाख रुपैयाँको सेयर कारोबार भएको छ।

त्यस्तै, एनआरएनको ४५ करोड ६० लाख रुपैयाँको र सीएचडीसीको २७ करोड ७७ लाख रुपैयाँको सेयर कारोबार भएको छ।

आज गार्डियन माइक्रो लाइफ इन्स्योरेन्सको सेयरमूल्यमा सकारात्मक सर्किट लागेको छ । साथै, सबैभन्दा धेरै गुराँस लघुवित्त वित्तीय संस्थाका लगानीकर्ताले गुमाएका छन् । आज नेप्से उपसमूहमा रहेका १२ वटा समूह घटेका छन् एउटा समूह बढेको छ। आज व्यापार समूह ४.२९ प्रतिशतले बढ्दा वित्त समूह सर्वाधिक १.७८ प्रतिशतले घटेको छ।