नेप्से परिसूचक ३२.२४ अंकले बढ्याे, साढे सात अर्बकाे काराेबार

काठमाडौं । आइतबार सेयर बजार बढेर बन्द भएको छ । आज नेप्से परिसूचक ३२.२४ अंकले बढेर २६९५.५५ को विन्दुमा पुगेको हो।

आज ३२३ कम्पनीको एक करोड ५५ लाख ७२ हजार ८६२ कित्ता सेयर किनबेच हुँदा सात अर्ब ५६ करोड माथिको सेयर कारोबार भएको छ । आज सबैभन्दा धेरै हिमालयन रिइन्स्योरेन्सको सेयर कारोबार भएको छ । आज यस कम्पनीको ६९ करोड १९ लाख रुपैयाँको सेयर कारोबार भएको छ । त्यस्तै, नेपाल पुनर्बीमा कम्पनीको ४७ करोड ८४ लाख रुपैयाँ रएनआरएनको ३९ करोड ६८ लाख रुपैयाँको सेयर कारोबार भएको छ ।

आज जोशी हाइड्रोपावरको सेयरमूल्य सर्किट लेभलमा बढेको छ भने सबैभन्दा धेरै कारोबार हिमालयन रिइन्स्योरेन्स कम्पनीको भएको छ। सो कम्पनीको मात्र ६९ करोड १९ लाख रुपैयाँ बराबरको सेयर कारोबार भएको छ।

आज सबैभन्दा धेरै प्रभु स्मार्ट फन्डका इकाईधनीले गुमाएका छन् ।