सुदुरपश्चिम प्रदेशमा १० वटा सहकारी नमुनाको रुपमा छनौट, पुँजी वृद्धि ४.७६ प्रतिशतले बढ्याे « Devoted for Economic Devlopment, आर्थिक विकासको लागि समर्पित
३ मंसिर २०८३, बिहिबारThursday, November 19, 2026

अर्थबजार स्टोरी

सुदुरपश्चिम प्रदेशमा १० वटा सहकारी नमुनाको रुपमा छनौट, पुँजी वृद्धि ४.७६ प्रतिशतले बढ्याे

यो समाचार सुन्नुहोस्अडियो तयार हुँदैछ, केही मिनेटपछि फेरि हेर्नुहोस्

काठमाडौं । नेपाल राष्ट्र बैंकले सुदुरपश्चिम प्रदेशका २०६० सहकारीहरुमध्ये नमूनाको रुपमा छनौट गरिएका १० वटा सहकारीहरुको विस्तृत प्रस्तुत गरेको छ । भूमि व्यवस्था, सहकारी तथा गरिवी निवारण मन्त्रालय, सहकारी विभागको सहकारी झलक, २०७७ को तथ्याङ्क बमोजिम यस प्रदेशमा रहेका २०६० वटा सहकारीहरु छन् । जसमध्ये नमूनाको रुपमा छनौट गरिएका १० वटा सहकारीहरुको विस्तृत रुपमा अध्ययन गरी तिनीहरुको अवस्था राष्ट्र बैंकले सार्वजनिक गरेको हो ।

समीक्षा अवधिमा नमूना छनौटमा परेका १० वटा सहकारीहरुले संकलन गरेको कुल पुँजी गत वर्षको सोही अवधिको तुलनामा ४.७६ प्रतिशतले वृद्धि भई ७० करोड ८० लाख पुगेको छ । गत वर्षको समीक्षा अवधिमा यस्तो पूँजी २३.०७ प्रतिशतले वृद्धि भई ६७ करोड ५८ लाख पुगेको थियो ।

यसैगरी, कुल बचत गत वर्षको समीक्षा अवधिको तुलनामा ११.०३ प्रतिशतले बढ्न गई ५ अर्व २४ करोड २० लाख पुगेको छ । गत वर्षको समीक्षा अवधिमा यस्तो बचत २.७४ प्रतिशतले बढ्न गई रु.४ अर्व ७२ करोड १२ लाख पुगेको थियो । यसैगरी समीक्षा अवधिमा नमूना छनौटमा परेका १० वटा सहकारीहरुले प्रवाह गरेको कुल ऋण गत वर्षको समीक्षा अवधिको तुलनामा ५.२९ प्रतिशतले वृद्धि भई ४ अर्व ६८ करोड २२ लाख पुगेको छ । गत वर्ष सोही अवधिमा यस्तो ऋण ६.७० प्रतिशतले वृद्धि भई ४ अर्व ४४ करोड ७२ लाख पुगेको थियो ।

समीक्षा अवधिमा छनौट गरिएका सहकारी संस्थाका सदस्यहरुको संख्या ७.१४ प्रतिशत र सहकारी संस्थामा काम गर्ने कर्मचारीको संख्या ४.७१ प्रतिशतले वृद्धि भएको छ । अघिल्लो आर्थिक वर्ष २०७९÷८० को पुस मसान्तमा सदस्य संख्या ११.०५ प्रतिशतले वृद्धि भएको थियो भने कर्मचारी संख्या ८.११ प्रतिशतले घटेको थियो ।

प्रकाशित : १६ असार २०८१, आइतबार १७:०९ 30 June, 2024 5:09 pm

प्रतिक्रिया

तपाईंको प्रतिक्रिया लेख्नुहोस्

तपाईंको इमेल प्रकाशित हुने छैन। प्रतिक्रिया स्वीकृत भएपछि देखिनेछ।