गण्डकी प्रदेशका सहकारीमा ४ अर्ब ५९ करोड बचत « Devoted for Economic Devlopment, आर्थिक विकासको लागि समर्पित
३ मंसिर २०८३, बिहिबारThursday, November 19, 2026

मुख्य समाचार

गण्डकी प्रदेशका सहकारीमा ४ अर्ब ५९ करोड बचत

यो समाचार सुन्नुहोस्अडियो तयार हुँदैछ, केही मिनेटपछि फेरि हेर्नुहोस्

काठमाडौं । आर्थिक वर्ष २०७९/८० मा गण्डकी प्रदेशको १० सहकारी संस्थाहरुबाट १३ अर्ब ७९ करोड ५० लाख निक्षेप संकलन भएको छ । नेपाल राष्ट्र बैंकले सार्वजनिक गरेको गण्डकी प्रदेशको प्रादेशिक आर्थिक गतिविधि अध्ययन सम्बन्धी प्रतिवेदन अनुसार ०.१८ प्रतिशतले बढेर उक्त परिमाणमा निक्षेप संकलन भएको देखिएको हो ।

अघिल्लो वर्षको सोही अवधिमा यस्तो बचत ०.०८ प्रतिशतले कमी आएको थियो । गत असार मसान्तमा सहकारी संस्थाहरुको पूँजी बढेको छ । अघिल्लो बर्ष २०७९ असार मसान्तको तुलनामा सहकारी संस्थाहरुको पूँजी १.५ प्रतिशतले बढेर ४ अर्ब ५९ करोड २४ लाख पुगेको छ ।

त्यसैगरी, सहकारी संस्थाहरुबाट यस प्रदेशमा प्रवाहित कर्जा २०७९ असार मसान्तको तुलनामा गत असार मसान्तसम्ममा ६.६१ प्रतिशतले कमी आई १४ अर्ब ३३ करोड १९ लाख पुगेको छ । अघिल्लो वर्षको सोही अवधिमा यस्तो कर्जा १८.०१ प्रतिशतले वृद्धि भएको थियो । अध्ययनमा समावेश गरिएका सहकारीमा सदस्य ९.४१ प्रतिशतले वृद्धि भई १ लाख ८५ हजार ४४० पुगेको छ भने कर्मचारी सङ्ख्या ४ सय ५६ नै रहेको छ ।

प्रकाशित : २२ पुस २०८०, आइतबार १३:२८ 7 January, 2024 1:28 pm

प्रतिक्रिया

तपाईंको प्रतिक्रिया लेख्नुहोस्

तपाईंको इमेल प्रकाशित हुने छैन। प्रतिक्रिया स्वीकृत भएपछि देखिनेछ।