सुनचाँदीको मुल्य बढ्यो, कतिमा भइरहेको छ कारोबार ?

काठमाडौं । नेपाली बजारमा सुनको मूल्य बढेको छ। नेपाल सुनचाँदी व्यवसायी संघका अनुसार बुधबार छापावाल सुनको मुल्य तोलामा ८०० रुपैयाँले बढेको हो।

योसंगै आज छापावाल सुनको मुल्य प्रतितोला १ लाख १ हजार २०० रुपैयाँमा कारोबार भएको छ भने तेजाबी सुनको मुल्य १ लाख ७०० रुपैयाँमा कारोबार भइरहेको छ।

अघिल्लो दिन छापावाल सुन एक लाख ४०० रुपैयाँमा कारोबार भएको थियो । त्यस्तै आज चाँदीको मूल्य पनि तोलामा २५ रुपैयाँले बढेर १ हजार ४०० रुपैयाँमा कारोबार भइरहेको छ। अघिल्लो दिन चाँदी १ हजार ३७५ रुपैयाँमा कारोबार भएको थियो।