गुराँस लाइफको सेयर मूल्य समायोजन « Devoted for Economic Devlopment, आर्थिक विकासको लागि समर्पित
३ मंसिर २०८३, बिहिबारThursday, November 19, 2026

बीमा

गुराँस लाइफको सेयर मूल्य समायोजन

यो समाचार सुन्नुहोस्अडियो तयार हुँदैछ, केही मिनेटपछि फेरि हेर्नुहोस्

काठमाडौं । मंगलबार नेपाल स्टक एक्सचेञ्ज (नेप्से) मा गुराँस लाइफ इन्स्योरेन्सको सेयर मूल्य समायोजन भएको छ। कम्पनीले साधारणसभा तथा लाभांश वितरण प्रयोजनका लागि बुकक्लोज गरेसँगै नेप्सेले सेयर मूल्य समायोजन गरी नयाँ मूल्य निर्धारण गरेको हो ।

नेप्सेले इन्स्योरेन्सको पाँच दशमलव ५० प्रतिशत बोनस सेयर समायोजन गरेको हो । बोनस सेयर समायोजनपछिको भाउ नेप्सेले ६१८ रुपैयाँ ०१ पैसा निर्धारण गरेको छ । मंगलबार यही समायोजित मूल्यका आधारमा इन्स्योरेन्सको कारोबार खुल्नेछ।

नेप्सेले अघिल्लो कारोबार दिनको अन्तिम मूल्यका आधारमा इन्स्योरेन्सको सेयर मूल्य समायोजन गरेको हो । अघिल्लो कारोबार दिन (सोमबार) इन्स्योरेन्सको सेयर प्रतिकित्ता ६५२ रुपैयाँमा अन्तिम कारोबार भएको थियो।

त्यस्तै, कम्पनीले  १० मंसिरमा वार्षिक साधारणसभा आह्वान गरेको छ । सभा कम्पनीको प्रधान कार्यालय श्री राज भवन तिनकुने, काठमाडौंमा बिहान ११ बजे भिडियो कन्फ्रेन्सको माध्यमबाट आयोना हुनेछ । 

सभामा कम्पनीले आर्थिक वर्ष २०७५/०७६ को नाफाबाट लगानीकर्तालाई पाँच दशमलव ५० प्रतिशत बोनस सेयर  र कर प्रयोजनको लागि शून्य दशमलव २८ प्रतिशत नगद लाभांश वितरण गर्ने प्रस्ताव पेस गर्नेछ ।

हाल इन्स्योरेन्सको चुक्ता पुँजी एक अर्ब ९७ करोड ८५ लाख ८४ हजार ६०० रुपैयाँ छ । पाँच दशमलव ५० प्रतिशतका दरले १० करोड ८६ लाख ६५ हजार ४०० रुपैयाँ बराबरको बोनस सेयर वितरणपश्चात इन्स्योरेन्सको चुक्ता पुँजी दुई अर्ब आठ करोड ७२ लाख ५० हजार रुपैयाँ पुग्नेछ।

प्रकाशित : २३ कार्तिक २०७८, मंगलबार १०:४८ 9 November, 2021 10:48 am

प्रतिक्रिया

तपाईंको प्रतिक्रिया लेख्नुहोस्

तपाईंको इमेल प्रकाशित हुने छैन। प्रतिक्रिया स्वीकृत भएपछि देखिनेछ।