कालोधनलाई प्रश्रय दिने प्रतिस्थापन विधेयक फिर्ता लिन एमालेको माग « Devoted for Economic Devlopment, आर्थिक विकासको लागि समर्पित
३ मंसिर २०८३, बिहिबारThursday, November 19, 2026

अर्थ राजनीति

कालोधनलाई प्रश्रय दिने प्रतिस्थापन विधेयक फिर्ता लिन एमालेको माग

यो समाचार सुन्नुहोस्अडियो तयार हुँदैछ, केही मिनेटपछि फेरि हेर्नुहोस्

काठमाडौं । नेकपा (एमाले)ले सरकारसँग आर्थिक प्रतिस्थापन विधेयक फिर्ता लिन माग गरेको छ । ललितपुरको तुल्सीलाल स्मृति प्रतिष्ठानमा तीनदिनदेखि भएको केन्द्रीय कमिटी बैठकले संसदमा प्रतिपक्ष दलका महत्वपूर्ण कुरा उठाइरहेको बेला सरकारले आर्थिक विधेयक ल्याउने काम गरेकोले फिर्ता गर्न माग गरेको एमाले प्रचार विभाग प्रमुख योगेश भट्टराईले जानकारी दिए ।

‘सरकारले हाम्रो विरोधका बाबजुद पनि विधेयक ल्याएको छ । हाम्रो त्यसमा सहमति छैन,’ उनले भने ‘यो देशको राष्ट्रिय कानूनको विरुद्ध हुने र नेपालले अन्तर्राष्ट्रिय सन्धि सम्झौता र अनुबन्धित विपरीत रहेको छ ।’

उनले प्रतिस्थापन विधेयकका कारण अन्तर्राष्ट्रिय समुदायले नेपाललाई कालोसूचीमा राख्न सक्नेसमेत बताए । ‘नेपालमा स्रोत नखुलेको सम्पत्तिलाई खुला गर्ने जुन विधि प्रतिस्थापन विधेयकमा ल्याइएको छ । त्यसमा हाम्रो घोर आपत्ति रहेको छ,’ उनले भने, ‘कालोधनलाई प्रश्रय र वास्तविक लगानीकर्ता निरुत्साहित हुने सम्भावना बढाउँछ ।’

प्रकाशित : १० आश्विन २०७८, आइतबार १८:२५ 26 September, 2021 6:25 pm

प्रतिक्रिया

तपाईंको प्रतिक्रिया लेख्नुहोस्

तपाईंको इमेल प्रकाशित हुने छैन। प्रतिक्रिया स्वीकृत भएपछि देखिनेछ।