चन्द्रागिरि साकोसले ऋणको ब्याजमा १५ प्रतिशतसम्म छुट दिने

चन्द्रागिरि बचत तथा ऋण सहकारी संस्था लिले कोभिड–१९ का कारण सदस्यहरुको व्यापारव्यवसाय ठप्प भएकाले ऋणी सदस्यलाई व्याजमा विशेष छुटको व्यवस्था गरेको छ ।संस्थाले सूचना जारी गरी ऋणी सदस्यहरुका लागि विभिन्न छुटको व्यवस्था भएको जनाएको हो । सदस्यहरुले ऋणको ब्याजमा ५ देखि १५ प्रतिशतसम्म छुट पाउने भएका छन् ।

असार १ देखि १५ प्रतिशत छुट कायम गरी क्रमश छुटको दर घट्दै २५ गते ५ प्रतिशत कायम हुने संस्थाले जनाएको छ ।
यस्तै सदस्यको उद्योग व्यवसाय तथा परियोजनामा पर्न गएको असरलाई मध्यनजर गर्दै संस्थाले २०७८ असार २५ गते भित्र ऋणी सदस्यहरुले ऋण भुक्तानी गरेमा निषेधाज्ञा अवधिभरको हर्जनामा पुरै छुट र भुक्तानी हुने ब्याज रकममा पनि ५ देखि १५ प्रतिशत सम्म छुट संस्थाले दिने भएको छ ।